VAL D'ARAN

VISITA ERA VAL D’ARAN, ERA ESSÉNCIA DES PIRENÈUS NATURA PURA DE MONTANHA

Era Val d’Aran, damb ua superfícia totau de 633,46 km2 ei ath miei des Pirenèus, ath nòrd de Catalonha. Era sua situacion privilegiada la convertís ena unica val atlantica der estat espanhòu. Era situacion e era singularitat deth sòn relhèu favorissen era existéncia d’ua grana varietat de paisatges que permet gaudir dera natura en totes es sues variantes.

A diuèrses entrades tath Parc Nacionau d’Aigüestòrtes e Estanh de Sant Maurici, tucs de mès de 3.000 mètres, estanhs e sauts d’aigua espectacolosi, damb eth neishement des arrius Garona e Noguèra Palharesa, bòsqui, sendèrs senhalizadi tà toti es nivèus entà poder-les hèr a pè e en bici, tà poder hèr ua passejada tranquilla o ua rota dificila, era Val d’Aran a adaptat era sua aufèrta toristica entà satisfèr totes es expectatives. Ua ampla gamma d’activitats en totes es sasons der an vos permeteràn víuer moments que non desbrembaratz. Es esportistes, aficionats o professionaus, traparàn ací installacions excepcionaus entà practicar eth sòn espòrt favorit.

 
ACTIVITATS D'AVENTURA
  • Senderisme
  • BTT e ciclotorisme
  • Activitats aquatiques (rafting, hidrospeed, surfing kayak, piragüisme)
  • Escalada e vies herrades
  • Barranquisme
  • Ipica
  • NaturAran - Parc de tirolines
  • Paintball
  • Tir damb arc

 

MÉS INFORMACION

valdaran
ROTA ROMANICA

Era Val d’Aran a conservat eth sòn patrimòni arquitectonic de glèises romaniques e gotiques, com es de Salardú, Arties, Vielha, Bossòst, damb ua bona mòstra, culturau e industriau, preservant atau era sua singularitat. Pintures e escultures artistiques de pèira e husta, damb polides òbres que se caraterizen peth sòn excepcionau estat de conservacion, coma per exemple eth Crist de Salardú o eth Crist de Mijaran, en Vielha, o tanben es batiaderes d’Arties, Vilac o Vilamòs. Un conjunt d’art romanic e gotic amassa e unic en mon. 

 

PÒBLES VAL D’ARAN

Es pòbles dera Val d’Aran compartissen un madeish estil arquitectonic. Bastidi entà poder tier es iuèrns e es nheuades, es sòns edificis son de pèira, lòsa e husta, e s’intègren perfèctament en paisatge dera val. Es cases mès vielhes daten des sègles XIV e XV, e son autentiques jòies dera arquitectura aranesa, coma era casa Çò de Portolà (actuau Parador d’Arties) o era casa Çò de Pèirjoan, en Escunhau, que date der an 1595, e ei declarada Ben d’Interès Culturau, era casa des de Rodés, en Vielha, o era casa des de Brastet, en Unha. 

Es legendes araneses encara se coneishen e se manifèsten enes tradicions e dances araneses mès populares. Eth cicle annau des sasons se retròbe en grana part des hèstes tradicionaus, e era fin der iuèrn a estat tostemp un moment fòrça demorat e celebrat en tot eth Pirenèu, e a demorat fòrça arraïtzat ena cultura gascona en generau. Ena primauera e en ostiu cada pòble hè era sua hèsta. Encara se mantien quauqui pelegrinatges, coma eth de Montgarri, eth 2 de junhsèga. Era hèsta deth Haro, en Les e deth Taro, en Arties, se hè era net de Sant Joan, eth 23 de junh, ei considerada coma ua des mès populares de tot eth territòri e declarada Ben Immateriau dera Umanitat pera UNESCO. Tanben cau remercar es hèires de bestiar, que se hèn ena tardor enes localitats de Vielha, Les, Bossòst e Salardú.

valdaran3
valdaran2
D'AUTES ACTIVITATS
  • Parc de Fauna - Aran Park
  • Palai de Gèu en Vielha (complèxe esportiu)
  • Termalisme e wellness:
  • Banhs de Tredòs
  • Piscines termaus d’Arties
  • Tèrmes Baronia de Les
  • Servicis de spa aufridi per diuèrsi otèls dera comarca.
  • Piscines municipaus. Bossòst, Les, Vielha e Salardú.
MUSÈUS

Mina Victòria - Arres

Ecomusèu Çò de Joanchiquet - Vilamòs

Petit Musèu dera Escòla - Arròs

Musèu dera Val d’Aran - Vielha

Fabrica dera Lan - Vielha

Mòla - Salardú

PyrenMuseu - Salardú

Musèu dera Nhèu - Unha

Musèu deth Corrau - Bagergue

GASTRONOMIA

Es mès de 170 restaurants deth territòri conviden a gustar recèptes tradicionaus, elaborades damb productes autoctòns, e tanben era codina mès innovadora, tot aquerò amassa damb eth saber-hèr e era ospitalitat des aranesi. Quauqui plats dera gastronomia aranesa son: era òlha aranesa, civets de carn de caça, patès, trueites, crespèths... D’un aute costat, era codina mès innovadora introdusís ingredients tan gustosi coma eth lit, codinat de fòrça manères diferentes, eth caviar o er esturion produsits ena factoria de Les, que s’utilize soent entà plats sofisticadi e de luxe.
Per un aute costat, era majoria des bars dera Val aufrissen ua grana varietat de tapes e pinchos que se pòden gustar en un ambient autentic de montanha, caud e confortable.

 

PRODUCTES ARANESI E ERA MARCA “PRODUCTES DERA VAL D’ARAN”:

Entre d’auti, i trapam era òlha aranesa, eth caviar, era sidra, era bièra artesanau, eth licor de cassís, derivats deth pòrc, coma eth choriço, era langoïssa, es patès, es anditos e eth bolh (productes tipicament aranesi), es hormatges e iogorts, era mèu, es tronquets e coquilhons (doci) son es especialitats deth país que se pòden crompar ena majoria de botigues dera Val.

Tanben i é era possibilitat de visitar quauques fabriques artesanaus locaus que dan era benvenguda as visitaires:

Piscifactoria Caviar Nacarii (Les) - http://caviarnacarii.com
Fabrica Cervesa Refu (Bossòst) - www.refubirreria.com.
Hormatgeria Tarrau (Bagergue) - www.quesosdelvalledearan.com

valdaran4

 

Eth comèrç aranés s’a convertit ena actualitat en un des principaus pilars toristics deth territòri, tan pera qualitat coma pera quantitat de comèrci que i a ena majoria de pòbles. Cau remercar, sustot, era grana quantitat de botigues especializades en materiau esportiu, entàs activitats restacades damb era nhèu en totes es sues modalitats, e tanben tàs activitats d’ostiu.

LOTJAMENT

Otèls, paradors nacionaus, apartotèls, cases ruraus, pensions, aubèrges, campings, refugis de nauta montanha, apartaments e chalets representen ua aufèrta variada de lotjaments pensada tà satisfèr es besonhs des visitaires.

Mès de 36.000 places disponibles repartides entre otèls e lhets en residéncies segondàries, distribuïdes entre es pòbles dera Val d’Aran.

valdaran5